كاتب حر
Admin
عدد الرسائل : 164
العمر : 34
الموقع : يا جارحنى برمشك على سهوه .. دوب لى صباعك فى القهوه
تاريخ التسجيل : 09/06/2008
 |  موضوع: راحت ع العرب  الجمعة أكتوبر 10, 2008 4:16 am | |
| امجاد يا عرب امجاد .......... فى بلادنا ما عدنا اسياد
فضيحتنا بقت بجلاجل .......... وعيشتنا سواد ف سواد
يا عروبه بقت العوبه .......... وليلاتى تبات مغلوبه
وصورنا اللى كانت واضحه ........... دلوقتى صور مقلوبه
يا عروبه بقت كوتوموتو ............ ولا عاهل بنسمع صوته
نستنكر كتير وبنشجب ............ واهالى الجنوب بيموتوا
يا أمه حزينه حزينه ........... حكامك سمك للزينه
والجامعه يا عينى عالجامعه ............ الجامعه وقوره رزينه
حكام العرب حكام ............ م المغرب لحد الشام
اتعاونوا مع ولاد سام ............ اتعاونوا سلام يا سلام
اتفاوض يا عربى وهرول ............ اتفاوض لا بأيش ولا كام
حكام العرب فتافيت ........... وشعوب العرب فتافيت
وبتنزل حدادى امريكا ........... تلقطنا كما الكتاكيت
وتاريخنا اللى كان مكتوب ........... نقراه للعيال حواديت
يا ارض العروبه يا رخوه ............ لولادك ما عادت نخوه
قطعت التاريخ وحرقته ............. وبكيت عالعصب والاخوه
اضربنا يا بوش اضربنا .............. غربنا ف وطن غربنا
واسقينا المرار على كيفك ............ حكامنا بتلحس سيفك
فرقنا اذا كان طيفك ........... فرقنا اذا قربنا
بتصفوا حسابتكوا معايا ............. انا عربى وتاريخى ورايا
وان كان للتاريخ دورات ............. انا ليا السنين الجايه
متعشم تدير القبله ............. ح نواجه الصاروخ بالنبله
والارض اللى ولدت خالد ............ لساها يا شاطر حبلى
شاعر الانتفاضه هشام جمال عبد الناصر | |
|
زائر
زائر
| | موضوع: رد: راحت ع العرب الأربعاء فبراير 25, 2009 3:29 am | |
| اضربنا يا بوش اضربنا اضرب انت وحدك وصورنا اللى كانت واضحه متى كان هذا شاعر الانتفاضهولا شاعر النبله  يا عروبه بقت كوتوموتو يا اخواتى لسه صغيرة |
|
