لا ردك الله لا ولا اطـلـب تـرديـن ادعي عليـك بعثـرة فـي صلاتـي
عثره تشلـك مـا بعدهـا تقوميـن يـا قاتلتنـي
يـوم صارتـ حياتـي لـك بالقلـب كانـت بساتيـن وريضـان وغصونـا بهـا يانعاتـي
كنتي مناة القلـب والـروح والعيـن واليـوم عينـك يعلهـا مـا تباتـي
كنت أحسبك للعهـد والحـب توفيـن قلتي الغدر بالحب ماهـي بسواتـي
وحلفتي يمين الله مـا منـك اثنتيـن وانـك مـلاك دون كــل البنـاتـي
وانك على عهـد المـودة تسيريـن ولا تسمعين أهل الحسـد والوشاتـي
وصار اليمين ستار خلفـه تواريـن ورماح غـدرك بالخفـا مشرعاتـي
وبان الغدر سـم جـرى بالشراييـن الله عسـى يسقيـك سـم الفعاتـي
كلي سقيتـك حـب واليـوم تنسيـن تقوليـن حلـم ايـام واليـوم فاتـي
خذتي الهوى لعبه على مـا تحبيـن ليـن عصفـت بالهـوى عاصفاتـي
من زينك يا بنـت بالشعـر تزييـن مـن صـورك بابياتـه الطايـلاتـي
انا من غرامي قلت كانـك تذكر يـنقلت الخجل صاب البدر مـن مناتـي
وصرتي بشعري في العذاري تباهين تقولين انا شمس العصر في حلاتـي
زينتك بشعـري ولا غربـك الزيـن ما زانتك صبغـات حمـر الشفاتـي
صورتك بالشعـر حـزام ورياحيـن واثرك هضاب وشوك ما بـه هداتـي
رسمتك سحابه خيـر قطـر تنفيـن فزت لك الصحـراء زهـور ونباتـي
رسمتـك مهـاه للجميلـه تقوديـن واثرك قطيعـه وضيعتهـا الرعاتـي
واثرك غراب يوم سـدل الجناحيـن كنت احسب اني شايف لـي قطاتـي
بالشعر غليتـك علـى كـل غالييـن واثـرك دنيـه وتعشقيـن الدناتـي
وبالشعر عاتبتـك عتـاب المحبيـن انا من يسوم الروح لك يـا غناتـي
توسلت لك خايف على حـب عامين لكـن فـي حسابـي مئاتـي
ناديت لكن لـي ابـد مـا تسمعيـن عمري وروحي فكـري فـي ثباتـي
حذراك للشينـات عمـري تماشيـن عديمـات اصـل اخلاقهـن دانياتـي
غاب الولي عنهـن ولعبـن بحبليـن يا خـس واليهـن وخـس الولاتـي
ما همهن في الناس زيـن ولا شيـن وقلوبهـن مـن حقدهـن مظلماتـي
وقلتـي وربـك لـو يكونـا ملاييـن ما غيرن بالطباعهـن مـن سماتـي
تحسبيـن انـك بالمهافـه ترقـيـن كيـف الصعـود يكـون للهاوياتـي
وخنتي وبعتي كـل عهـد واياميـن ما عاد يفـرق بيـن ماضـي واتـي
وصرتي مثل غيرك برخص تبيعيـن يا مرخصتني ما بقـى لـك غلاتـي
صبري نفذ واليـوم ثـارت براكيـن مظلوم انـا وباكـر تحـل ادعواتـي
سمعي عسى من بعدها ما تسمعيـن سمعي دعا من صار قلبـه حصاتـي
ادعي عسى من ناضرك ما تشوفيـن وتطحن بك الايـام طحـن الرحاتـي
وعساك عوق منه مـا عـاد تبريـن عوق تشافـق لـه قلـوب العداتـي
ويالله عسى يحتـار فيـك المداويـن تبين الممـات ولا يجيـك المماتـي
ويالله عسى كـف الندامـه تعضيـن تندمين يـوم انـه يفـوت الفواتـي
وتبكين دم يسيل مـن مقلـة العيـن وتحتار امـك عـن عنـاك وتحاتـي
عسى ما تلاقي من له القلب تهديـن وان هو حصل ادعي عساك الشتاتـي
يا بلوة اللي وسـط بيتـه تعيشيـن ساهي وحوله شب جمـر الغضاتـي
عسى بعمـرك ساعـه مـا تهنيـن وتمضي حياتك بيـن هـم وشقاتـي
يا بنت قلبـي ويـن مثلـه تلاقيـن قلبا عطاك الحـب مـا قـال هاتـي
جيتك وروحـي شلتهـا لـك بكفيـن وفي التاليه رمـح الخيانـه جزاتـي
يالله عسـاك النـار يـا أم وجهيـن كله انكشـف لا مـا تفيـد العباتـي
ويالله عسى تلبسك جـن وشياطيـن وتكونين مدعاة الحكـي والشماتـي
يـا حيـة رقطـا تقـود الثعابـيـن باكـر تحـن ايـامـك المعتمـاتـي
وباكر على فعلـك بمثلـه تجازيـن ظلم المشاعر مـا تحكمـه قضاتـي
بيني وبينـك تحكـم ايـام وسنيـن وانا شاهدي قلبا مـن الغـدر ماتـي
ويـا دمعـة التمسـاح لالا تذرفيـن العيـون رغـم ادموعهـا كاذباتـي
لا ما عرفتي الحـب لا مـا تحسيـن وغدرك تعدى غـدر ذيـب الفلاتـي
الذيب يعوي قبـل يغـدر بمسكيـن وانتي غدرتي خافقـي فـي سباتـي
لو كان غدرك في كفـوف الموازيـن لكـان رجـح كـل غـدر البنـاتـي
انتي السبب سقتي على القلب جرحين غـدر الغـرام وموجـع الذكرياتـي
وانتي السبـب واليـوم لالا تلوميـن وان جاك باكر شوفي اشلـون يأتـي
والله لاكتب وافضحـك فـي دواويـن وارقص واغني يوم خبـر الوفاتـي
وارسم لاهل العشق قلبـا وسهميـن وقصة خيانه مـا روتهـا الرواتـي
ويمين لانشر فوق اسمـك عناويـن واشهرك من قاصي اليمـن للفراتـي
ومن غرب هالدنيا الى قاصي الصين ديـوان غـدر فيـه كـل اللغـاتـي
والبادي اظلم سنـة العيـن بالعيـن والا فـذي لا عادتـي ولا صفـاتـي
ويا شبه انسانـه بـرأس ورجليـن اعـوذ بالرحمـن منـك بصـلاتـي
منقول
موضوع: خاطرة عتاب 
الأربعاء مايو 27, 2009 11:46 pm
