اقولك شعر-اشرف توفيق

سؤال قولته بملل ليها وانا مخنوق
وصاحبى ويا صاحبتها قريب مننا قاعدين
فى سكه شوق..
عنيه فى عنيها مش دارين بكل الناس
عنيهم ملينين احساس
ده حتى الرمش ما بيرمش..
خايف لو تضيع نظره
ونظرتهم تساوى كتير..
مهش نظره عيون وخلاص

(عيونه )مركب اطوح
فى بحر عنيها بيعافر
وحالف انه راح يوصل
ولو طول الحياه سافر
وبحر عنيها من (حظى)
ملوش مرسى
ملوش اخر
اقرب منها تتاخر
وانا اعمل ايه!!
دا انا بالصدفه جاى وياه
وهى معاها بالصدفه
وانا واقف وكات واقفه
ولجل الرحمه والرأفه
قعدت معاها نتكلم
وم الاول
وهى عن الكلام صامت
مبتردش
حاولت اقنعها ان الفيلم مش صامت
مبتردش
وابوص ناحيه اصحابنا
الاقى عننيه فى قلب عنيها بتواصل
وانا قاعد بعيد عنها
وبينى وبينها ميت فاصل
وفى الاخر بدأت اقول
عن الامل اللى راح مرجعش
من خوفى
عن الحب اللى تاه وانشق
لظروفى
فجأه
لقتها لفتلى
وبصتلى
وحسيت الامل بيعود
و اول مره بلمح فيها لون عنيها السود
و انا موعود
وقلبى بالعيون السود مايعرف مره يحكمنى
و من يومها وانا قاعد معاها هناك بسرح جوه نن العين
و صاحبى ويا صاحبتها قريب مننا قعدين
(عيونى) مركب اطوح
فى بحر عنيها بيعافر
وحالف انه راح يوصل
ولو طول الحياه سافر
وبحر عنيها من(حظه)
ملوش مرسى
ملوش اخر
وبلمح من بعيد صاحبى بيلمحنا بطرف عنيه
ويهمس ليها بالراحه!!!
اقولك شعر!؟!؟