إلى من لا يهمه الأمر

زائر

ريحة الخوف
الساكنه في عطر الضعفه
جمعت كل وحوش العالم
لأجل ما تنبش
تنهش
تهبش
فيها
ميغركش الصوت الساكت فيهم
أو تكشيره ساجنه عنيهم
بس الخوف الساكن جوه العطر
حزين
و التكشيره اللي بيرسمها
طلعت هم كبير
أدي عتريس بنادي
فؤاده
لولا الخوف أنا ما إتجوزتك
لولا الخوف الساكن عطر الناس
مكنوش هيطاطوا
ولولا العطر
إنتهى مفعوله
مكنش إتقال
جوازك باطل مني
ودي عبد الصمد الجامع قوتكوا
لساه بيجيب كرابيج للباشا
و يمارس فيكوا الباشا هويته
البني أدمين العايشه تخوف فيكم
زيكوا أو أضعف
وجمال محبوس في القبر الضلمه
ومفيش ولا ثوره
و بدأنا
ندخل في الغيبوبه
و القوه الفاضله
جوه جتتنا
نندم بيها نثور ع الماضي
وبقوة صوتنا بنصرخ
"فينك يا جمال"ا
و ندور على التصويره
علشان ما نبان في الثوره
وندور فين السكه الصح
وبنضحك على نفسينا
دورنا كتير ما لقينا
و السكه أهي باينه
و لا واحد فينا
قادر يخطي الخطوه الأولى
وجمال إرتاح
وجمال لو راجع
هجيب كرابيج
علشان جدلكم
مهو أصل إحنا البشوات
وإحنا الكرابيج
و إحنا إزاز العطر
لسانا بنحزن
الصوت جونا بيسكت
و التكشيره
بتسجن
في عيونا[b]